Сакъис ч1амунани ц1одорлъи щолин,
Ц1алана лъабц1улго макъала дица.
Михъида квер бахъун Г1амир к1алъана,
Раг1 базе лъугьани,киндай ккелаян?
Киналго сакъсазул х1алал рихьана,
Х1анч1ана «Орбитги», «Дирол», «Бубаги».
Бат1ияб жо лъвинч1о ц1одорлъиялъе,
Бук1арабги хвана,хиялги ч1вана.
Ч1алха г1емерлъараб бач1ана заман,
Загьруги даруян реклама кьолеб.
Бокьарасги ч1аме ч1ух1араб сакъис,
Россия ч1ух1изе бач1араб ниг1мат.
Радалги,къасиги къот1и гьеч1ого,
Сакъис рекламабаз сверула бет1ер.
Сакъис нужойго те,нижей мохмох кье,
Кьоларин гьелъ пайда ц1одорлъи кквезе.
Дие хайир ккеч1о
© Copyright: Муртаза Игали, 2026
Свидетельство о публикации №226091801161
Свидетельство о публикации №226091801161
Рецензии