Г1адамалги руго божилъи хварал,
Бук1уна гьезул рек1к1,рек1елаб ч1ух1и.
Бат1ияб роценгун борцуна дица,
Дидаго бич1ч1улеб г1адатаб г1умру.
Божула Аллагьас къадар хъваялда,
Къилбаялде вуссун какал раялда.
Рияъги,рибаги,х1асадгин-гъибат,
Бусурбабаз рак1аз кколеблъиялда.
Бегьулеб батани,Бет1ергьан Аллагь,
Бац1адаб г1амал кьун вохизе гьаве.
Гьарурал мунагьал т1аса лъугьун те,
Тавбу бугин рек1ел х1узур къуватаб.
Х1алада ч1оларев г1адан вук1аго,
Г1адлу кин бук1инеб бусурбабазул.
Бицулеб,гьабулеб бат1улаб бугин,
Т1абиг1ат хисараб махлукъаталъул.
Машк1идал г1емерлъун,г1амал мукъсанлъун,
Г1ибадат т1обит1и т1ок1к1унеб бугищ,
Бидг1аял нухазе хасаб нигат ккун,
Хвасарлъи щолебдай кант1и гьеч1езе?
Г1адамалги руго божилъи хварал
© Copyright: Муртаза Игали, 2026
Свидетельство о публикации №226091801162
Свидетельство о публикации №226091801162
Рецензии