Гьерсица рит1ухълъи рах1ат хвезабун,
Балъаргъулеб буго бадиб чилчидун.
Чорокаб каламалъ,макру,гъибаталъ,
Бецаб даг1баялде буго ах1улеб.
Дунял гьерсил гьураз лъухьулеб буго,
Лъавукъазул къуват загьираб буго.
Зулмуялъул ралъад гьелчелеб буго,
Бецлъарал рак1азул хъуй ц1ик1к1ун буго.
Хъулхъал рикьиялъул къецалги гьарун,
Къуватал г1уц1улел г1емерлъун руго.
Г1акълу т1алаб гьабун босулеб лъайги,
Беццизесеб гьеч1о,х1акълъун абуни.
Бит1араб бицунин хиси лъугьунеб,
Хасиятго гьеч1еб гьанжесеб заман.
Гьелъ батилин тола дица рит1ухълъи,
Г1ужие босулеб г1умрудал нухда.
1994 сон
Кидагосеб къец
© Copyright: Муртаза Игали, 2026
Свидетельство о публикации №226091900576
Свидетельство о публикации №226091900576
Рецензии